لو رجعنا للتاريخ 📖 هنعرف إن القوى العظمى مش بتسيب البلاد الضعيفة في حالها أبدًا. دايمًا فيه خطة للسيطرة، سواء بالضغط 💥، التفتيت ✂️، أو الاحتلال 🚶♂️. واللي بيحصل في سوريا النهارده مش جديد، ده امتداد لصراعات طويلة وشبكة مصالح عالمية معقدة. 🌍
التوسع الإسرائيلي بعد انهيار نظام الأسد
📍 دخول اليهود إلى الأراضي السورية مش مجرد صدفة:
تجاوزوا المنطقة العازلة اللي الأمم المتحدة حددتها سنة 1974، ودخلوا مناطق كتير، محدش داري.
قربوا جدًا من دمشق بمسافة 19-20 كيلومتر!
التحرك ده بيتم بتخطيط محكم، مع ضربات جوية متواصلة طالت المطارات العسكرية والطاقة السورية، لحد ما الجيش السوري بقى بدون قدرة على المواجهة. 🛫💥
🛑 اللي بيحصل في الجنوب السوري هو مشروع توسع استراتيجي لإسرائيل.. السيطرة على مناطق جديدة..نزع السلاح السوري بالكامل..خلق حزام أمني بيضمن لإسرائيل تفوق كامل في المنطقة.
الاستراتيجية الإسرائيلية
🪖 نزع السلاح السوري بالكامل .. إسرائيل عايزة سوريا تكون دولة ضعيفة بدون جيش أو تسليح حقيقي. الخطوات اللي خدوها بتأكد ده:
🛑 تحجيم النفوذ الإيراني.. الغارات الإسرائيلية استهدفت مواقع ميليشيات إيرانية زي حزب الله، والهدف واضح: القضاء على أي تهديد طويل الأمد.
📍 السيطرة على الجولان وما حولها.. الجولان خلاص تحت السيطرة الإسرائيلية، لكنهم بيحاولوا يوسعوا حدودهم عمليًا، ويخلقوا منطقة عازلة آمنة.
🌍 إعادة رسم الحدود الإقليمية.. التحركات الإسرائيلية جزء من مشروع أكبر لإعادة تشكيل خريطة المنطقة. السيطرة مش بس في الجولان، لكن في أراضٍ أوسع، سواء عبر الاحتلال المباشر أو خلق مناطق عازلة.
تدمير الداخل السوري: سيناريو الفوضى المستمرة
إسرائيل مش بتكتفي بضربات جوية أو تقدم بري. الخطة أكبر.. نزع السلاح بالكامل من المنطقة/تفتيت سوريا وتركها مليئة بالميليشيات المتصارعة/إضعاف الحكومة لدرجة تمنعها من أي مقاومة مستقبلية. المناطق الحدودية زي القنيطرة بقت عسكرية بالكامل، والضربات مستمرة من دير الزور للجنوب.
الجولاني وصمته الغريب.. 🤐 شكوك كثيرة!
الجولاني، قائد هيئة تحرير الشام، كما يشاع عنه.. أنا شخصيًا شاكك فيه جدًا 🤷. .هو مش قادر يتكلم عن التحركات الإسرائيلية.
محاصر بين صراعات الداخل السوري ومحاولته الحصول على شرعية غربية. صمته الغريب بيزيد الشكوك حول دوره في المشهد.. شكله كده متفق معاهم أو منسجم مع أفكارهم عشان ينول الرضا.
روسيا، إيران، الكرد، وتركيا: أصحاب المصالح في اللعبة
🇷🇺 روسيا: انسحبت فجأة وباعت بشار الأسد! ليه؟ /واضح إن فيه اتفاق خفي مع أمريكا يديهم مصالح أكبر في ملفات زي أوكرانيا.
🇮🇷 إيران: تعرضت لضغوط أو إغراءات لرفع العقوبات عنها.. النظام السوري بقى وحيد في الظلام.
🇺🇸 الكرد:أمريكا بتحاول تدعم إنشاء دولة كردية في شمال شرق سوريا.. الدولة دي هتكون قاعدة أمريكية صافية، مع قواعد عسكرية معلنة.
📖 لو بصينا لمعاهدة سايكس بيكو، هنلاقي إن اللي بيحصل مش غريب.. تقسيم المنطقة كان سرًا، واكتشفناه بعد ما اتنفذ..نفس الأمر دلوقتي: ترتيبات خلف الكواليس هنشوف نتيجتها بعدين.
الزتونة:
اللي بيحصل في سوريا مش مجرد أحداث متفرقة. ده مخطط دولي كبير لتقسيم المنطقة والسيطرة عليها..إسرائيل بتوسع نفوذها وبتقترب أكتر من دمشق..أمريكا بتدفع بمشروع دولة كردية تخدم مصالحها..تركيا بتلعب على تحقيق مكاسبها الخاصة على حساب الوضع السوري.
السؤال الأكبر: هل هييجي يوم ونشوف عدالة حقيقية تحاسب اللي شاركوا في تدمير سوريا؟ ولا هنفضل نشوف فصول جديدة من التآمر والخراب؟ 🤷 الله يسترها ! 🙏
